EU YAMWAGA NEEMA SAME-KILIMANJARO

EU YAMWAGA NEEMA SAME-KILIMANJARO

Posted in

No comments

Sunday, May 19, 2013 By danielmjema.blogspot.com

Shirika la Misaada la Jumuiya ya Ulaya (EU) limetoa kiasi cha shilingi bilioni 1.2 kwa ajili ya mradi wa uhifadhi endelevu wa hifadhi ya mazingira ya asili ya Chombe, wilayani Same, Mkoa wa Kilimanjaro. 

Hayo yameelezwa na mhifadhi mkuu wa wa hifadhi ya asili ya Chome, Frank Mahenge, wakati wa hafla ya kuutambulisha rasmi mradi huo, iliyofanyika juzi, wilayani Same. Mahenge alisema kuwa mradi huo utasaidia kuhifadhi  mazingira ya Chome ambayo yamekuwa yakiharibiwa na wananchi kutokana na kazi zisizo rasmi wallizokuwa wakizifanya kwenye msitu huo wa asili ikiwa nipamoja na kuchimba  madini katika hifadhi hiyo. 

“Hifadhi ya msitu wa asili wa Come (SHENGENA) kulikuwa na zaidi ya wachimbaji haramu 6,000 walikuwa wanaingia ndani ya hifadhi kwa siku kwa madhumuni ya kufanya uharibifu ndani ya hifadhi hiyo, lakini kutokana na juhudi kubwa za serikali pamoja na wadau mbalimbali tumewatoa ndani ya hifadhi na kubaki wachache hasa wenyeji ”, alisema. 

Hata hivyo Mahenge alisema kuwa changamoto kubwa walizokuwa wanakabiliwa nazo katika hifadhi hiyo ilikuwa ni ukosefu wa magari ya doria, ambapo ilikuwa ni vigumu kukabiliana na changamoto hizo, na ufinyu wa bajeti na kwamba mradi huo mpya utakuwa chachu ya kuboresha mazingira eneo hilo. 

 Aidha alisema mradi huo ambao unatarajiwa kutekelezwa kwa muda wa miaka miwili na nusu, utawashirikisha wananchi wa vijiji  27 vinavyozunguka hifadhi hiyo na unatarjia kuwanufaisha asilimia ya wakazi wa vijiji hivyo ambao walikuwa wakiutegemea msitu huo na kusababisha uharibifu mkubwa wa mazingira.
 

Mahenge alisema kuwa shirika la misaada la jumuiya ya ulaya pia limetoa gari moja na pikipiki kwa ajili ya kuiwezesha hifadhi asilia ya chome kuweza kutekeleza majukumu yao. 

 Kwa upande wake, Mkuu wa Wilaya ya Same, Herman Kapufi, alitoa wito kwa mamlaka husika katika mradi huo kuhakikisha fedha za mradi huo zinatumika kama ilivyo kusudiwa. Kwa upande wake, Mkuu wa Wilaya ya Same, Bw. Herman Kapufi, alitoa wito wka mamlaka husika katika mradi huo kuhaklikisha fedha za mradi huo zinatumika kama ilivyo kusudiwa.

Habari Zingine

Mjulishe Mwenzako

• Share on facebook
• Tweet it
• Digg This
• Save on del.icio.us
• Stumble this