WAZIRI MATHAYO KUFUNGA MAADHIMISHO YA MAZIWA MKOANI KILIMANJARO

WAZIRI MATHAYO KUFUNGA MAADHIMISHO YA MAZIWA MKOANI KILIMANJARO

Posted in

No comments

Thursday, May 31, 2012 By danielmjema.blogspot.com

WAZIRI wa kilimo na mifugo   David Mathayo David anatarajiwa kufika kesho mkoani Kilimanjaro kwa ajili ya kufunga maadhimisho ya wiki ya maziwa ambayo kitaifa kwa mwaka huu yamefanyika mkoani Kilimanjaro.

Maadhimisho hayo yalianza tarehe 29 mei na  kilele chake kinatarijiwa kuhitimishwa rasmi tarehe 01 juni mwaka huu, ambapo pamoja na waziri kufunga maonesho hayo pia atapata fursa  ya kutembelea mabanda mbalimbali ya bidhaa za maziwa yaliyopo kwenye viwanja vya mashujaa vilivyopo katika manispaa ya moshi, mkoani kilimanjaro na kukutana na wadau mbalimbali wa sekta ya kilimo na ufugaji mkoani Kilimanjaro.

Aidha wakiongea kwa nyakati  na  KIJIWE,  baadhi ya wadau wa maziwa walilalamikia mwamko mdogo miongoni mwa wananchi kuhusu umuhimu wa maziwa na kutupia lawama kwa viongozi wa idara ya kilimo na mifugo mkoani Kilimanjaro kwa kushindwa kutoa elimu ya kutosha kwa wananchi. 

Mmoja wa wadau hao Maxi mwenda , ambaye ni msindakaji kutoka Mountain Drinking cha Usariver mkoani Arusha, alisema Kilimanjaro inazalisha maziwa kwa wingi sana lakini cha kushangaza ni kitendo cha wananchi kutojitokeza katika maenesho hayo na lawama zote akizielekeza kwa bodi ya maziwa Tanzania pamoja na uongozi wa kilimo mkoani hapo.

“Katika mikoa yote Kilimanjaro, inaongoza kwa uzalishaji wa  maziwa lakini cha kushangaza kama unavyoona, wananchi hawajajitokeza kwa wingi kama tulivyotarajia  katika maenesho haya, sasa kwa mtazamo huo inaonesha kwamba wananchi hawatumii kabisa bidhaa hii au mwamko na elimu kuhusu umuhimu wa maziwa ni mdogo, nadhani ni vyema bodi na uongozi katika maandalizi yao ya maenesho yajayo waliangalie hilo,” alisema Mwenda. 

Kwa upandewao wananchi,  walionyesha kushtushwa na taarifa za maadhimisho hayo kuandaliwa mkoani hapo na kuelekeza lawama zao kwa uongozi wa mkoa kwa kutowapa taarifa hali iliyopelekea maenesho hayo kupooza na kudai kwamba huo ni uzembe mkubwa unaokwamisha shughuli za Maendeleo mkoani kilimanjaro.

Habari Zingine

Mjulishe Mwenzako

• Share on facebook
• Tweet it
• Digg This
• Save on del.icio.us
• Stumble this