NI SIMBA NA AZAM FAINALI YA URAFIKI CUP

NI SIMBA NA AZAM FAINALI YA URAFIKI CUP

Posted in

No comments

Tuesday, July 10, 2012 By danielmjema.blogspot.com

Fainali ya kombe la Urafiki (ujirani mwema) litawakutanisha mabingwa wa ligi kuu Tanzania Bara Simba SC dhidi ya mabingwa wa kombe la Mapinduzi Azam FC.

Simba SC na Azam FC zote za Tanzania Bara zimetinga hatua hiyo ya fainali baada ya kuzifunga Zanzibar All Stars na Falcon, hii leo katika michezo ya nusu fainali ya kombe hilo, ambalo michezo yake huchezwa katika uwanja wa Amani.

Azam FC walikuwa wa mwanzo kukata tiketi ya fainali, baada ya kuwachapa Falcon magoli 2-0. Shukran zimuendee mshambuliaji wa Ivory coast Kipre Tchetche aliyefunga magoli yote mawili.

Kipre Herman Tcheche alifunga bao la kwanza dakika ya 67, akiunganisha krosi ya Hamisi Mcha wakati bao la pili, alifunga kwa penalti, dakika ya 77, baada ya Samir Haji Nuhu kuangushwa kwenye eneo la hatari na Samir Said dakika ya 77.

Wakati Azam wakitoa dozi hiyo Simba SC wao wameichapa goli 1-0 Zanzibar All Stars. Goli hilo pekee la Simba limefungwa na Kanu Mbiavanga.

Fainali ya Urafiki Cup itachezwa julai 11 siku ya jumatano katika uwanja wa Amani Zanzibar

Habari Zingine

Mjulishe Mwenzako

• Share on facebook
• Tweet it
• Digg This
• Save on del.icio.us
• Stumble this