GIDABUDAY KUONGOZA MSAFARA YA WAKONGWE KILI MARATHON

GIDABUDAY KUONGOZA MSAFARA YA WAKONGWE KILI MARATHON

Posted in

No comments

Thursday, February 28, 2013 By danielmjema.blogspot.com

 

Mwanariadha hapa nchini na mwanaharakati wa mageuzi katika michezo, Wilhelm Gidabuday amethibitisha kuongoza timu ya wakongwe wenzake katika mbio za mwaka huu za Kiliamnjaro Marathon yanayotarajia kufanyika jumapili ya Machi 3 mjini hapa.

Gidabuday amesema wameamua kuja Kilimanjaro Marathon mwaka 2013 kwa lengo moja tu, kuwaunga mkono wakimbiaji wa kitanzania na kuhakikisha kuwa mbio za mwaka hazirudii makosa ya miaka ya nyuma.

Amesema kuwa mbio za Kilimanjaro marathon ni mbio kubwa kuliko zote Tanzania na hivyo ni vizuri watanzania wakijionea ufahari wa kuandaa mbio kubwa kama hizi katika ardhi yao huku akiwashukuru waandaaji wa mbio hizi kwa jitihada zao kufanya mbio hizi kuwa za kimataifa zaidi.

 

Amewataja  wanariadha wakongwe atakaoongozana nao, wakiwemo wanaokimbia hadi hivi sasa, kuwa ni pamoja na Andrea Sambu ambaye aliwahi kuwa bingwa wa dunia pekee Mtanzania katika mbio za nyika za dunia mwaka 1991, Faustin Baha Sule, ambaye ni mshindi wa medali ya fedha mbio za nusu marathon 2000.

Wengine ni Rogath John Akhwari aliyeiwakilisha nchi katika mbio kadhaa za nyika  za dunia, Getuli Bayo, Michael Sarwatt, Thadeo Nada na Anthony Mwingereza ambao kwa pamoja wamewahi kupeperusha vyema bendera la Taifa.

Habari Zingine

Mjulishe Mwenzako

• Share on facebook
• Tweet it
• Digg This
• Save on del.icio.us
• Stumble this