KILIMANJARO MARATHON YASHIRIKISHA WAKIMBIAJI 6500

Posted in

Sunday, March 3, 2013 By danielmjema.blogspot.com

Mbio za Kimataifa za Kilimanjaro Marathon zilizokuwa zikisubiriwa kwa hamu zimefanyika Leo Mjini Hapa na kushuhudia idadi kubwa ya wakimbiaji wakijitokeza kushiriki katika mbio hizo kubwa zaidi katika uknda huu wa Afrika Mashirika na Kati.

Kilimanaro Marathon Zinazofanyika kila mwaka na Kudhaminiwa na Kampuni ya Bia ya TBL kupitia kinywaji cha Kilimanjaro Premium Lager, mwaka huu zinafanyika tena katika Ardhi ya Kilimanjaro ikiwa ni msimu wa 11 tangu zianzishwe.

Kwa mujibu wa Waratibu wa Mbio hizo, Executive Solution pamoja na Wadhamini wakuu, TBL, mwaka huu umeshuhudia wakimbiaji wapatao 6500 waliojitokeza kukimbia katika mbio mbali mbali ukianza na Full Marathon (Km 42), Half Marathon (Km 21), Half Marathon Disabled na Vodacom Fun Run (Km 5).

Akizungumza katika Hafla ya kutoa Zawadi, Meneja wa Masoko ya Bia ya Kilimanjaro Premium Lager, George Kavishe alisema kuwa umaarufu wa mbio hizo huongezeka kila mwaka ambapo tofauti na mwaka jana ambayo ilishirikisha wakimbiaji 6000 mwaka huu kuna ongezeko la washirki 500 na kufanya jumla ya washiriki kufikia 6500.