WATAALAMU WAJIFUNGIA KILIMANJARO KUJADILI CHANGAMOTO DHIDI YA MALIASILI NA SWALA LA UJANGILI
Posted in
No comments
Wednesday, October 30, 2013
By
danielmjema.blogspot.com
Na Mwandishi Wetu, Kilimanjaro
 |
| Dkt.Freddy Manongi-Kaimu Mkuu wa Chuo cha Mweka |
WATAALAMU
wa maswala ya Uhifadhi na usimamizi wa Wanyama pori kutoka katika nchi zipatazo
20 wamekutana Mkoani Kilimanjaro katika Kongamano la kujadili mbinu za
kukabiliana na Changamoto ya Ujangili inayohatarisha usalama wa Wanyama hasa
Tembo na Faru.
Wataalamu
hao kutoka katika nchi za Afrika, Ulaya na Amerika wanakutana kuangalia mbinu
za kisasa za kukabiliana na Ujangili ambayo kwa sasa inaonekana kutia fora
katika masoko mengi na ikidaiwa kuwa na Faida nzuri hasa katika bara la
Mashariki ya Mbali.
Katika
kongamano hilo la siku 5 linalofanyika katika chuo cha chuo cha Uhifadhi na
usimamizi wa Wanyamapori (MWEKA), wilayani Moshi, mkoani Hapa, wadau hao kwa
pamoja walikubaliana kuwepo kwa umuhimu wa kuangalia upya au kubadilisha
mitaala ya kufundishia katika vyuo vya wanyapori kama njia ya kukabiliana na
janga la ujangili duniani.
 |
Sehemu ya wadau wa Uhifadhi wa Wanyapori kutoka katika nchi 20 duniani,
wakifuatilia mafunzo katika Kongamano la kujadili changamoto na mbinu za
kukabili ujangili duniani,
iliyofanyika katika ukumbi wa chuo hicho leo kama sehemu ya Maadhimisho
ya miaka 50 ya chuo cha Mweka.
|
Wakizungumza
na Rai kwa nyakati tofauti, baadhi ya wataalamu waliohojiwa na gazeti hili,
walisema kuna haja ya serikali, wafanyabishara na wananchi kuelimishwa juu ya
madhara ya kuwakumbatia majangili huku wajkibainisha kuwa endapo uthubutu
utakuwepo miongoni mwa wahusika wa udhibiti wa tatizo hili, vita dhidi ya
ukatili huu utatokomezwa.
Akizungumzia
swala la utoaji wa elimu sahihi, Mkuu wa chuo cha uhifadhi na usimamizi wa
Wanyama pori Mkoani Kilimanjaro (Mweka), Dkt. Freddy Manongi alisema chuo chake
kimeanza mikakati ya kuboresha mitaala inayotumika katika kuandaa maaskari na
wataalamu wa uhifadhi wa Wanyapori kama njia ya kuwaongezea mbinu za kupambana
na ujangili nchini.
Dkt.
Manongi katika uzinduzi wa Kongamano ya siku tano inayoshirikisha wadau wa
hifadhi ya Nyamapori kutoka nchi zaidi ya 20 duaniani, kujadili changamoto
zinazokabili sekta hiyo pamoja na kujifunza mbinu mpya za kisasa za kukabiliana
na ujangili.
“Katika
kutafuta njia mwafakawa kukabiliana na Ujangili, hasa ukatili dhidi ya Tembo na
Faru, chuo chetu kimeanza mchakato wa kupitia upya mtaala wetu na katika hilo
tunafikiria kuibadilisha ili kutumia mtaalamu wa kisasa ambayo itatoa uwezo kwa
Wahitimu wetu kupata mbinu za kisasa za kukabiliana na ujangili huo,” alisema
Manongi
Dkt.
Manongi alisema kwa sasa kutokana na changamoto kubwa la Ujangili ambalo
linatishia usalama wa Wanyama hususan katika nchi za bara la afrika, chuo hicho
kimejiwekea mikakati ili kujaribu kuwandaa wahitimu wa maswala ya uhifadhi wa
wanyamapori ili kuwapa mbinu mipya ya kupambana na Majangili wanaohatarisha
uhai wa Wanyama.
“Kuna
tatizo la ujangili, tumeamua kuangalia upya mtaala wetu, kama mnavyofahamu
sdwala la ujangili ni swala usiri mkubwa, ni vigumu kumbaini Jangili hivyo
tunaangalia namna ya kuweza kuwapa wanafunzi wetu mbinu za kisasa za kupambana
na Majangili hao,” alisema Manongi.
Alisema
kwa sasa wameshaanza kushauriana na wenzao kuhusu technolojia ya Kisayansi (Forensic
Science) ambayo inawezesha Askari na wataalamu wa msawala hayo kuwagundua majangili
kupitia taarifa za vinasaba (DNA) kwa kupima damu za mnyama, alama za nyayo za
majangili pamoja na alama za vidole vya majangili katika mwli wa mnyama
aliyeuwawa na kama wataona inafaa kutumika wataingiza utaalamu huo katika
mitaala mipya ya kufundishia.
Kwa
upande wake Mkuu wa Chuo cha Wanyapori nchini Kenya (KWS), Dkt. George Otiang
alisema kuna haja ya kufanya gharama za vitendo vya ujangili kuwa kubwa kuliko
faida zinazopatikana kutokana na vitendo hivyo kwani mazingira yaliyoko sasa
hivi yanavutia kwa Ujangili.
Alisema
ipo haja kwa Wizara ya Maliasili na Utalii kuangalia upya Faini zinazotolewa
kwa majangili kwani ni ndogo sana kuliko faida anayoipata Jangili jambo ambalo
limesababisha Majangili kutojali kukamatwa.
Naye
Mshiriki wa Kongamano hilo ambalo ni sehemu ya Maadhimisho ya Miaka Hamsini ya
Chuo cha Mweka, Dkt. David Manyanza ambaye aliwahi kuwa Mkuu wa Chuo hicho,
alisema Vita dhidi ya ujangili vinaonekana kuwa ngumu kutokana na usiri
unaotumika katika biashara hiyo pamoja na kuwepo kwa mkono wa watu mashuhuri
wakiwemo viongozi ndani ya serikali.
Alisema
ikiwa kutakuwa na utashi wa dhati katika mapambano haya kutoka kwa wananchi
wenyewe, serikali pamoja na wafanyabiashara, tatizo la ujangili unaweza
ukatatulika lakini kama vita hiyo itaachwa mikononi mwa wizara tu kumaliza
ujangili itakuwa ni ndoto.
“Tatizo
la ujangili linaonekana kuwa kubwa kutokana utaratibu mbovu unaotumika
kupambana nao, Serikali inawakumbatia majangili, ujangili sio sawa na biashara
nyingine ambapo mtu atajitangaza hadharani, kuna haja ya kuweka wazi majina ya
watuhumiwa bila kuangaliana usoni, kama
haya yatafanyika na wananchi na wanasiasa nao wakafahamu majukumu yao vita hivi
tutavishinda, ” alisema Dkt. Manyanza.
Aidha
Dkt. Manyanza aliwataka Wananchi kususia bidhaa zinazotengenezwa kutokana na
pembe za ndovu, Faru pamoja na bidhaa nyingine kama vile ngozi zinazotokana na
Wanayama ili kunusuru maliasili ya Nchi hii.
Kongamano hilo linafanyika kwa siku tano na
kilele chake kitakuwa ni Novemba 2 katika Maadhimisho ya miaka 50 ya chuo cha
Uhifadhi na usimamizi wa Wanyamapori mkoani Kilimanjaro Mweka, sherehe
zitakazotanguliwa na Harambee ya kuchangisha fedha kwa ajili ya maboresho ya
majengo ya chuo hicho, itakayoongozwa na Waziri Mkuu, Mizengo Pinda.
Mwisho.
Habari Zingine
Mjulishe Mwenzako
.jpg)
0 MAOINI :