KIMENUKA!!! SIKU MOJA BAADA YA KIPIGO VIONGOZI YANGA WAAANZA KULUMBANA..
Na Mwandishi Wetu, Dar es salaam
SIKU moja baada ya kupokea kichapo cha mbwa mwizi kutoka kwa Simba katika mechi ya Nani Mtani Jembe, Uongozi wa Simba umeanza kulumbana ambapo safari hii Mwenyekiti wa Klabu hiyo, Yusuph Manji amejikuta akilazimika kuingia katika Mzozo na Mwenyekiti wa Baraza la Wazee wa Klabu ya Yanga, Ibrahim Akilimali, kuhusiana na uhallali wa Mlinda Mlango wake, anayedaiwa kuwa na Mapenzi na Klabu ya Simba, Juma Kaseja.
Manji, amesema tofauti na kauli tata za Mzee Akilimali Uongozi wa Yanga wanaamini, katika Usajili wao hawakumsajili Juma Kaseja ili waifunge Simba bali awasaidie katika michuano ya Afrika.
Manji ameyasema hayo leo asubuhi makao makuu ya klabu, Jangwani, Dar es
Salaam wakati akizungumza na Waandishi wa Habari, siku moja baada ya
Yanga kufungwa 3-1 na Simba SC katika mechi ya Nani Mtani Jembe Uwanja
wa Taifa, Kaseja akiwa langoni.
Manji
alikuwa akimjibu Katibu wa Baraza la Wazee la Yanga, Mzee Ibrahim
Akilimali aliyeushutumu uongozi kusajili Juma Kaseja ni makosa.
“Huyu
mzee nadhani umri umemzidi, lakini nataka nimkumbushe, huyo Ivo Mapunda
aliondoka Yanga akiwa anatumikia adhabu ya kufungiwa miezi sita na
uongzi wa wakati huo kwa tuhuma za kufungisha kwenye mechi na Simba
SC,”.
“Lakini
pia nataka nimuulize, wakati Simba inarudisha mabao yote matatu Kaseja
alikuwapo langoni? Nadhani hivi vitu si vizuri, tuache kulaumiana
tushikamane kwa mustakabali mzuri wa timu,” alisema Manji.
Manji akionesha kukerwa na jambo uwanja wa Taifa
Manji
amesema wanaheshimu uwezo wa Kaseja kwa sababu ndiye kipa aliyedaka
mechi nyingi za mashindano ya Afrika kati ya makipa wote nchini, hivyo
thamani yake haitashuka kwa kufungwa mabao matatu jana.
Ibrahim Akilimali
Pamoja
na hayo, Manji amesema kwamba mechi ya jana haikuwa na uzito wowote
kwao ni sawa na bonanza au fete, hivyo kufungwa haijawaumiza.
“Tuliamua
kucheza kumfurahisha mdhamini TBL, tumefungwa lakini bado tunaongoza
ligi, hatujapoteza pointi hata moja, ile ilikuwa fete tu,”alisema Manji.
Manji
amekiri Simba SC walicheza vizuri zaidi jana na walistahili ushindi na
anawapongeza kwa hilo, pamoja na wadhamini, TBL kwa kuandaa mechi hiyo.
Manji
amesema kuelekea mzunguko wa pili wa Ligi Kuu na Ligi ya Mabingwa
Afrika wataboresha timu na benchi la ufundi na timu itaenda tena kambini
Ulaya, hivyo anaamini mwakani makali yao yatafufuka na watatetea
ubingwa.
Habari Zingine
Mjulishe Mwenzako
0 MAOINI :