KOFFI OLOMIDE, FERRE GOLA NA FALLY IPUPA WAGUSWA NA KIFO CHA PAPA WEMBA

KOFFI OLOMIDE, FERRE GOLA NA FALLY IPUPA WAGUSWA NA KIFO CHA PAPA WEMBA

Posted in Burudani

No comments

Sunday, April 24, 2016 By danielmjema.blogspot.com

SAA chache baada ya kuripotiwa kifo cha Nyota wa muziki wa Soukous ambaye ni raia wa Jamhuri ya Kidemokrasia ya Congo- Papa Wemba, baadhi ya mastaa wa muziki huo nchini Congo na duniani akiwemo Koffi Olimide wamzungumzia.

Papa Wemba ambaye jina lake halisi ni Jules Shungu Wembadio Pene Kikumba, alianguka na kufa jukwaani akiwatumbuiza maelfu kwa maelfu ya mashabiki wake waliojitokeza katika tamasha la muziki mjini Abidjan Ivory Coast.

Gwiji huyo wa muziki wa lingala alizaliwa mnamo Juni 14 mwaka 1949, katika eneo la Lubefu - Wilaya ya Sankuru nchini Congo. Alikuwa maarufu katika micharazo ya muziki wa Soukous, Alikuwa mmoja kati ya wanamuziki maarufu sana barani Afrika na kote duniani.

Kauli ya Koffi Olomide

Asubuhi ya Jumapili April 24 2016 ndio zimeanza kusambaa taarifa za kifo cha mwimbaji Mkongwe kutoka Congo DRC aitwae Papa Wemba ambaye imeripotiwa amefariki baada ya kuanguka jukwaani akiwa anatumbuiza huko Ivory Coast.

Taarifa za kifo zimeendelea kuwafikia watu mbalimbali akiwemo mwimbaji mkongwe wa Congo DRC Koffi Olomide ambaye ameandika maneno machache kwenye ukurasa wake wa Instagram akisema ‘kwaheri Kaka, asante‘ na kuambatanisha picha yao ya pamoja ya siku nyingi kwenye hayo maneno.
Koffi Olomide amekua akitajwa kuwa mpiga gitaa wa zamani na mtunzi wa nyimbo kadhaa zilizoimbwa na Papa Wemba.

 Fally Ipupa na Ferregola nao Wamzungumzia

‘Moyo wangu umekaa kama bubu, pumzika kwa amani kaka mkubwa‘ ni maneno ya mwimbaji Ferregola baada ya kusikia taarifa za kifo cha mkongwe wa muziki nchini Congo Papa Wemba ambapo mwingine aliyetoa pole zake kupitia Instagram ni Fally Ipupa ambaye aliyataja majina ya Papa Wemba pamoja na cheo cha heshima.


Papa Wemba amefariki baada ya kuanguka jukwaani huko Abidjan Ivory Coast akiwa anatumbuiza kwenye tamasha ambalo lilikua linaonyeshwa LIVE kwenye TV, kutazama video ya tukio lenyewe tazama post zangu za nyuma.

Habari Zingine

Mjulishe Mwenzako

• Share on facebook
• Tweet it
• Digg This
• Save on del.icio.us
• Stumble this