Bunge la Bajeti la Afrika Mashariki limeendelea Arusha, bajeti hii ndio iliyowasilishwa

Posted in afrika mashariki

Friday, May 27, 2016 By danielmjema.blogspot.com

Bunge la Bajeti ya Afrika mashariki kwa mwaka wa Fedha 2016/17 limeendelea leo May 27 2016 Arusha ambapo Naibu Waziri wa mambo nje na ushirikiano wa Afrika Mashariki, ambaye ni mwenyekiti wa Jumuiya ya Baraza la Mawaziri, Suzan Kolimba amewasilisha bajeti ya shilingi milioni 101.1 kwa mwaka wa fedha 2016\2017. Baada ya uwasilishaji wa bajeti hiyo Suzani Kolimba ameyazungumza haya:

"Ukisema kwamba zinasuasua ni kutokana na kwamba uhalisia wa mambo kwa sababu wanaleta kile walichokipata, mwaka jana bajeti ilikuwa milioni 110, mambo yote yanafanyika kutokana na mpango wenyewe ambao sehemu kuu ni utekelezaji wa shughuli zote zinazohusiana na Jumuiya zikiwemo zile taasisi za jumuiya yenyewe," alisema Suzan Kolimba na kuongeza

"Vipaumbele ni vingi ikiwemo mambo ya Nishati, kuhakikisha kwamba tunatengeneza system za kibenki kwa ajili ya kufanya umoja wa kifedha, hii bajeti inakuwa inajumlisha shughuli zote zinazofanywa na Jumuiya ikiwemo bajeti ya Mahakama, bajeti ya bunge lenyewe hili na taasisi zote zilizo chini ya Jumuiya," alisema Suzan Kolimba