MBUNGE WA BAHI APANDISHWA KIZIMBANI KWA MASHITAKA YA KUPOKEA RUSHWA

MBUNGE WA BAHI APANDISHWA KIZIMBANI KWA MASHITAKA YA KUPOKEA RUSHWA

Posted in

No comments

Tuesday, June 5, 2012 By danielmjema.blogspot.com

Mbunge Badwel, akiongozwa na askari baada ya kufikishwa mahakamani hapo.

Akirudishwa mahabusu baada ya kushindwa kutimiza masharti ya dhamana.

MBUNGE wa Jimbo la Bahi, Mkoani Dodoma, Omar Badwel, leo amepandishwa kizimbani katika Mahakama ya Hakimu Mkazi, Kisutu jijini Dar es Salaam na kusomewa mashitaka mawili ya rushwa.

Akimsomea mashitaka yake, Mwendesha Mashitaka wa Taasisi ya Kupambana na Kuzuia Rushwa (Takukuru), Ben Lincoln, amesema mnamo Mei 30 mwaka huu, mshitakiwa akiwa Mbunge wa Jimbo la Bahi na Mjumbe wa Kamati ya Hesabu za Serikali za Mitaa, alimuomba rushwa Mkurugenzi wa Halmashauri ya Mkuranga, Schola Jonathan, ili aweze kuwashawishi wajumbe wa kamati yake waweze kuipitisha taarifa ya fedha ya halmashauri hiyo.

Shitaka la pili alilosomewa ni kupokea rushwa, ambapo mwendesha mashitaka huyo wa Takukuru amedai kuwa mnamo Juni 2 mwaka huu, mshitakiwa alinaswa kwenye Hotel ya Peacock jijini Dar, akipokea rushwa ya shilingi milioni moja kutoka kwa Schola. 

Mbunge huyo alikana mashitaka hayo mbele ya hakimu aliyekuwa akisikiliza kesi hiyo, Faisar Kihamba, ambapo hakimu huyo aliiahirisha mpaka Juni18 mwaka huu, itakapotajwa tena mahakamani hapo

Habari Zingine

Mjulishe Mwenzako

• Share on facebook
• Tweet it
• Digg This
• Save on del.icio.us
• Stumble this