PUMZIKA KWA AMANI AMINA SINGO
Posted in
No comments
Monday, December 17, 2012
By
danielmjema.blogspot.com
Shirikisho la Mpira wa Miguu Tanzania (TFF) limepokea kwa masikitiko taarifa ya kifo cha aliyekuwa mtangazaji wa habari za michezo katika kituo cha redio cha 100.5 Times FM, Amina Singo kilichotokea usiku wa kuamkia jana.
Msiba huo ni mkubwa katika sekta ya
habari na mpira wa miguu kwani kwa nyakati tofauti kupitia taaluma ya
uandishi wa habari, Amina alifanya kazi na TFF, hivyo mchango wake
katika mpira wa miguu tutaukumbuka daima.
Tutamkumbuka kama mtangazaji wa habari
za mpira wa miguu na michezo kwa ujumla. TFF tunatoa pole kwa familia
za marehemu Amina Singo, ndugu, jamaa na marafiki na kuwataka kuwa na
subira na uvumilivu katika kipindi hiki kigumu cha msiba huo mzito.
Mungu aiweke roho ya marehemu Amina Singo mahali pema peponi. Amina
Habari Zingine
Mjulishe Mwenzako
0 MAOINI :