Redds Miss Kibaha kutambulishwa Club Billicanas Mei nane
Posted in
No comments
Friday, May 3, 2013
By
danielmjema.blogspot.com
Na Mwandishi Wetu, Dar es Salaam
WAREMBO wa Redds Miss Kibaha 2013, wanatarajia kuvamia
Ukumbi wa kisasa wa burudani wa Club Billicanas, baada ya kualikwa kutembelea
Jumatano ya Mei nane, lengo likiwa ni kujitambulisha kwa wadau wa sanaa ya
urembo na burudani.
 |
| Warembo wa miss kibaha wakiwa katika pozi wakati wa mazoezi yao |
 |
| Warembo watakao wania taji la Miss Kibaha wakiwa katika pozi wakati wa mazoezi yao yanayoendelea katika ukumbi wa vijana Kinondoni Dar es salaam. Picha |
Akizungumza jana jijini Dar es Salaam, Mkurugenzi wa Linda
Media Solution ambao ndio waandaaji wa shindano hilo, Khadija Kalili, alisema
kuwa kutembelea klabu hiyo kutakuwa na faida kubwa kwa washiriki wao wa Miss
Kibaha 2013.
Alisema wakati shindano lao likipangwa kufanyika Mei 17
mwaka huu mjini Kibaha, wanaamini washiriki wao watapata muda mzuri wa kukutana
na watu wengi kwa pamoja, huku wakipita na kusalimia wadau wa sanaa nchini,
wanaoingia katika klabu hiyo.
“Hii ni faida kwetu sisi kama waandaaji wa Miss Kibaha
pamoja na mabinti wetu, ukizingatia kuwa tumepewa mwaliko huu wakati mzuri,
hasa huu wa kujiandaa kwa vitu mbalimbali vyenye tija katika fainali zetu.
“Naamini kila jambo litafanyika kwa faida kubwa, huku washiriki
wenyewe wakizidi kujipanga katika mazoezi yao ya kila siku yanayoendelea
kufanyika kwa ajili ya kuhakikisha kuwa mambo yanakwenda vizuri,” alisema
Kalili.
Miss Kibaha linadhamiwa na Redds Premium Clold, DSTV, Mama
Kaka, Handeni Kwetu blog, Michuzi Blog, Jiachie Blog, Mtaa kwa Mtaa Blog, Maji
Umoja, Shear Illusions, Fredito Entertainment, CXC Africa, Image Pub Temeke,
Chicago Safari and Tours, ASET, Times FM, Clouds FM na Mikopo Finance.
Habari Zingine
Mjulishe Mwenzako
0 MAOINI :