WANAJESHI 66 WAUAWA SUDAN KUSINI

WANAJESHI 66 WAUAWA SUDAN KUSINI

Posted in

No comments

Wednesday, December 18, 2013 By danielmjema.blogspot.com

Mapigano mapya yametokea tena asubuhi ya leo

Afisaa mkuu msimamizi wa hospitali ya kijeshi ya Juba, Brigedia Gen Dr Ajak Bullen,ameambia shirika la redio la Miraya mjini Juba kuwa wanajeshi 66 wameuawa katika mapigano ya siku mbili.

Watafanyiwa mazishi ya pamoja.

Wakati huohuo afisaa mmoja wa serikali amesema kuwa raia 26 wameuawa katika mapigano ya siku mbili mjini Juba.Zaidi ya watu miamoja wamejeruhiwa huku maafisa wakuu wakijaribu kudhibiti mji huo kufuatia kile ambacho serikali ilisema ni jaribio la mapinduzi mbalo liliweza kutibuliwa.

Waziri wa mambo ya nje wa Sudan Kusini Barnaba Marial Benjamin amesema kuwa vikosi vya usalama vinawasaka wanajeshi watiifu kwa Riek Machar aliyekuwa makamu wa Rais wa Salva Kiir anayedaiwa kupanga njama hiyo ya mapinduzi.

Taarifa zinasema kuwa milio ya risasi ingali inasikika mjini Juba huku wanasiasa kumi wakikamatwa kuhusiana na njama hiyo ya mapinduzi.

Habari Zingine

Mjulishe Mwenzako

• Share on facebook
• Tweet it
• Digg This
• Save on del.icio.us
• Stumble this