BURUNDI: BAN KI-MOON KUKUTANA NA RAIS NKURUNZIZA

BURUNDI: BAN KI-MOON KUKUTANA NA RAIS NKURUNZIZA

Posted in afrika mashariki

No comments

Tuesday, February 23, 2016 By danielmjema.blogspot.com

Katibu Mkuu wa Umoja wa Mataifa Ban Ki Moon amepangiwa kukutana na Rais wa Burundi Pierre Nkurunziza katika juhudi za kutatua mzozo wa kisiasa nchini humo.

Bw Ban, aliyewasili nchini Burundi Jumatatu, atakutana na Bw Nkurunziza leo ikulu ya rais na baadaye wawili hao wanatarajiwa kutoa taarifa ya pamoja.

Baada ya kuwasili Jumatatu, Bw Ban alikutana na wawakilishi wakuu wa vyama vya siasa na kujadili amani na usalama. Mamia ya watu wameuawa na maelfu kutoroka makwao tangu kuanza kwa machafuko nchini humo mwezi Aprili mwaka jana baada ya Rais Nkurunziza kutangaza angewania urais kwa muhula wa tatu.

Rais wa Afrika Kusini Jacob Zuma, na viongozi wengine wanne wa nchi za Afrika wanatarajiwa kufika Burundi mnamo Alhamisi kinachoonekana kuwa juhudi za viongozi wa bara Afrika kuongeza shinikizo kwa Bw Nkurunziza kufanikisha mazungumzo ya kutafuta amani.

Watakaosaidiana na Rais Zuma ni pamoja na Rais wa Gabon Ali Bongo na Waziri Mkuu wa Ethiopia Hailemariam Desalegn. Bw Zuma amesema Rais wa Uganda Yoweri Museveni amekuwa akiongoza mazungumzo ya amani kwa niaba ya kanda lakini viongozi hao watawakilisha Umoja wa Afrika.

Habari Zingine

Mjulishe Mwenzako

• Share on facebook
• Tweet it
• Digg This
• Save on del.icio.us
• Stumble this