NEPAL: NDEGE NDOGO YARIPOTIWA KUTOWEKA IKIWA NA ABIRIA 23
Posted in
Breaking News
No comments
Wednesday, February 24, 2016
By
danielmjema.blogspot.com
Ndege ndogo iliyowabeba watu 23 imetoweka ikiwa maeneo yenye milima nchini magharibi mwa Nepal.
Ripoti zinasema mabaki ya ndege hiyo yamepatikana ingawa hakuna habari kuhusu majeruhi au manusura.
Ndege hiyo ilikuwa safarini kutoka Pokhara, magharibi mwa mji mkuu Kathmandu, kwenda Jomsom, eneo ambalo watu wengi wanaoenda kukwea milima ya Himalaya huanza safari yao ya kukwea milima hiyo.
Ndege hiyo ilipoteza mawasiliano na maafisa wa udhibiti wa safari za ndege wa Pokhara dakika 10 baada ya kupaa.
Hakuna viwanja vya ndege kati ya maeneo hayo mawili na inahofiwa kwamba ndege hiyo imeanguka.
Maafisa wanasema ndege hiyo ya shirika la Tara Airlines ilikuwa na marubani watatu na abiria 20, mmoja wao raia wa Uchina na mwingine wa Kuwait. Wawili kati ya abiria waliokuwa wamebebwa na ndege hiyo walikuwa watoto.
Ajali za ndege hutokea mara kwa mara nchini Nepal.
Tangu mwaka 1949, kumetokea zaidi ya ajali 70 zilizohusisha ndege za kawaida na helikopta, na vifo vya watu 700.
Habari Zingine
Mjulishe Mwenzako
0 MAOINI :