Wetangula awatuhumu Wabunge wa Jubilee kupanga kuvuruga maandamano ya Leo
Posted in
Breaking News
No comments
Monday, May 23, 2016
By
danielmjema.blogspot.com
Kiongozi huyo wa Ford Kenya, alisema maandamano yao yamekuwa ya amani ukiacha matukio machache ya vijana waliokodiwa kuingilia maandamano na kusababisha vurugu.
"Kesho (Leo), kutakuwa na maandamano ya aina hiyo katika miji ya Mombasa, Kakamega na Bungoma kuonesha uzito wa madai yao dhidi ya IEBC, tumewajulisha Polisikabla ya kuanza kuwa tutakuwa na maandamano kila Jumatatu kwa hiyo wanapaswa kutulinda na sio kutupiga na Teargas," alisema Wetangula.
Wetangula alimtuhumu Mbunge wa Starehe, Maina Kamanda, Moses Kuria (Gatundu South) na Mbunge wa Dagoretti kusini, Dennis Waweru ambao wanafanya kazi chini ya mwavuli wa GEMA, akidai wamekuwa wakiuhamasisha umma na vijana wakorofi kuvuruga maandamano yao.
Wetangula alisema kuwa Wabunge hao pia wamekuwa wakiwatumia vijana hao (Hooligans), kuwarushia mawe ambapo katika maandamano yaliyopita ni wao waliohusiska kusababisha vurugu.
“Hatujihusishi na Siasa za ukabila ambayo kwa sasa zinatumiwa na watu wa Jubilee, ambao wanajiita GEMA, tunahisi kuwa serikali inahusika pia katika mipango ya hawa watu (wabunge) kuvuruga maandamano yetu ili tuonekana tunapenda fujo," alisema
Aidha kiongozi huyo wa CORD, alisema wanapanga kuwafungulia kesi wabunge hao endapo wataendelea kuwavurugia maandamano yao huku akiwaonya Polisi kutotumia nguvu wakati wa maandamano hayo ya kupinga IEBC.
Habari Zingine
- Spika wa Mombasa akamatwa na Polisi katika Maandamano
- Muungano wa Upinzani Kenya (CORD) wanaandamana kuipinga IEBC
- Wetangula awatuhumu Wabunge wa Jubilee kupanga kuvuruga maandamano ya Leo
- MAREKANI: TRUMP ASHINDA NEVADA
- Rais Kenyatta azindua mpango wa kuunganisha Stima katika Nyumba 18,290 Vijijini, ifikapo Juni
Mjulishe Mwenzako
0 MAOINI :