TFDA YATEKETEZA BIDHAA ZENYE THAMANI YA SH. MILIONI 38 MKOANI KILIMANJARO

TFDA YATEKETEZA BIDHAA ZENYE THAMANI YA SH. MILIONI 38 MKOANI KILIMANJARO

Posted in

No comments

Wednesday, May 1, 2013 By danielmjema.blogspot.com

Mwandishi wetu, Moshi

 

MAMLAKA ya  Chakula na dawa (TFDA) kanda ya kaskazini imeteketeza bidhaa mbalimbali zenye thamani ya zaidi ya sh milioni 38 vikiwemo vipodozi vyenye viambata vya sumu.

Bidhaa zingine zilizoteketezwa ni dawa ambazo zimepigwa marufuku na malmaka hiyo na ambazo hazijasajiliwa pamoja na vyakula ikiwemo maziwa ya watoto.

 

Mkaguzi wa TFDA Kanda ya kaskazini Abdalla Athman aliyaeleza hayo jana  muda mfupi baada ya kuteketezwa kwa bidhaa hizo katika kata ya Kaloleni mjini Moshi  mkoa wa Kilimanjaro.

 

Alisema bidhaa hizo wamezikamata wakati wa ukaguzi ulioanza mkoani Kilimanjaro April Tatu hadi april 30 ambao ulifanyika katika wilaya zote za mkoa huo.

Alifafanua kuwa katika bidhaa hizo zilizokamatwa na kuteketezwa Vipodozi viko vya thamani ya Sh.Mil. 15,Vyakula Mil. 15 na dawa za thamani ya Sh. Milioni Nane.

Alisema walifanya ukaguzi huo kwa lengo la kukagua vipodozi hatarishi,madawa feki, usafi, usajili na vibali pamoja na hali ya ubora wa bidhaa za chakula, dawa, vipodozi na vifaa tiba kwa wafanyabiashara.

Aidha Athmani aliwatahadharisha wafanyabiashara wanaoingiza bidhaa kutoka nje ya nchi kuhakikisha wanafuata utaratibu na waache kupita njia za pama hatua ambayo itawawezesha kuepuka matatizo ya kuuza bidhaa feki na ambazo zimepgwa marufuku na mamlaka hiyo.

“Niwaonye wafanyabiashara wanaoingiza bidhaa nchini kutoka nje ya nchi, waache kupitisha njia za panya wafuate utaratibu,ili kuepuka kukamatwa na bidhaa ambazo zimeingizwa bila kusajiliwa na ambazo zimepigwa marufuku”alisema.

Akizungumza Dkt. Itikija Mwanga mkaguzi mwandamizi wa dawa toka kanda ya mashariki alisema katika ukaguzi huo wamekamata dawa ya mifugo aina ya Skazon ambayo ilishapigwa marufuku kutokana na kuonekana kuwa na madhara kwa binadamu na kuwa kichocheo cha ugonjwa Kansa.

Alisema licha ya dawa hiyo  na kupigwa marufuku na serikali kutumika kwa mifugo kutokana na kuonekana kuwa hatarishi bado imekutwa ikiuzwa madukani jambo ambalo ni hatari.

Kutokana na hali hiyo aliwataka wananchi kutoa ushirikiano kuwataja wafanyabiashara ambao bado wanauza dawa hizo ambazo ni hatari ili kufanikisha jitihada za mamlaka hiyo za kutokomeza kabisa dawa hizo.

Habari Zingine

Mjulishe Mwenzako

• Share on facebook
• Tweet it
• Digg This
• Save on del.icio.us
• Stumble this