WANANCHI WAANDAMANA AFRIKA YA KATI KUSHINIKIZA RAIS AJIUZULU

WANANCHI WAANDAMANA AFRIKA YA KATI KUSHINIKIZA RAIS AJIUZULU

Posted in

No comments

Friday, January 10, 2014 By danielmjema.blogspot.com

Maelfu ya watu wamekimbia makwao kutokana na vurugu za kidini.Maelfu ya watu wanaandamana katika Jamhuri ya Afrika ya Kati, kumtaka Rais wa mpito nchini humo Michel Djotodia, ajiuzulu.

Hatma ya Djotodia kama Rais wa mpito imejadiliwa na baraza la mpito la nchi hiyo ambalo limekuwa likukutana nchini Chad kabla ya mkutano wa viongozi wa kikanda kufanyika.Rais Djotodia amekosolewa vikali kwa kukosa kusitisha mapigano ya kidini kati ya wakristo na waliokuwa waasi waisilamu ambao walimsaidia kuingia mamlakani kwa njia ya mapinduzi mwaka jana.

Baraza lote la mpito katika Jamuhuri ya Afrika ya kati limekwenda nchini Chad ambako viongozi wa Afrika wanakutana kujadili mzozo wa taifa hilo unaoendelea.Mkutano huo wa viongozi wa kikanda, uliahirishwa, mapema asubuhi Ijumaa.

Lakini wajumbe kwenye mkutano huo wanasema walitakiwa kuendelea na mkutano usiku kucha ili kubuni mkakati kuhusu mustakabali wa rais wa taifa hilo Michel Djotodia.Bwana Djotodia anakabiliwa na shinikizo kali kwa kukosa kusuluhisha mgogoro wa kisiasa unaoendelea nchi humo kati ya wakristo na waisilamu, lakini msemaji wake amesema kuwa hawezi kujizulu.

Viongozi wa kikanda wanasema wajumbe mia moja na thelathini na watano waliitwa kwa mkutano huo kwa sababu ni raia wa nchi hiyo pekee wanaoweza kuamua hatma ya taifa lao.Ghasia baina ya wanamgambo wa kiislam na kikristo zimesababisha maelfu ya watu kuyahama makazi yao.

Djotodia aliingia mamlakani baada ya mapinduzi ya kijeshi mwezi Machi mwaka jana hali iliyotumbukiza taifa hilo katika viya vya wenyewe kwa kwenyewe.

Habari Zingine

Mjulishe Mwenzako

• Share on facebook
• Tweet it
• Digg This
• Save on del.icio.us
• Stumble this