POLISI KILIMANJARO YANASA WATOTO 11 WAKIWA WAMEFICHWA NDANI YA CHUMBA HUKO LYAMUNGO
Posted in
Jicho la Habari
,
Matukio
No comments
Thursday, March 12, 2015
By
danielmjema.blogspot.com
Na Happiness Tesha, Kilimanjaro.
SIKU chache baada ya kugundulika nyumba iliyohifadhi watoto 18 katika eneo la Pasua mjini Moshi mapya yameibuka baada ya uwepo wa watoto wengine 11, wenye umri wa miaka 14 hadi 17, katika nyumba nyingine huko Lyamungo, wilaya ya Hai, mkoani Kilimanjaro.
Kamanda
wa polisi mkoani hapa Geofrey Kamwela,
amethibitisha kuwepo kwa kituo hicho kinachotambulika kwa jina la Umm Sukhail, kinachosimamiwa na mtu aliyefahamika kwa jina
la Abubakar Sekievu(64), mbondei,
mwalimu mstaafu wa shule za msingi,
ambaye kwasasa anaishi maeneo ya Kibosho Mweka.
Alisema
watoto hao ambao ni wajinsia ya kike ambao wanatoka mikoa mbalimbali ikiwepo
Dodoma, Singida, Tanga, Tabora, Mbeya na Kilimanjaro, ambapo watoto watatu
katika hao ni wa mmiliki wa hicho kituo.
Kamanda
akizungumzia mazingira ya kituo hicho na kilichokuwepo pasua, alisema walikuta watoto hao wakifundishwa
masomo ya dini ya kiislam na kushona nguo ambapo walikuta vifaa vya kushonea
mahali hapo.
Alisema
kituo hicho hakipo kisheria kwani hakijasajiliwa na wala hakitambuliki rasmi,
ambapo mazingira ya eneo hilo sio rafiki
ya kuweza kuishi na kujifunza kwa watoto
hao kwani ni mazingira magumu.
Kamanda
alisema jeshi la polisi linamshikilia mmiliki wa kituo hicho kwaajili ya
upelelezi zaidi ili kujua kama kuna uhusiano wowote na kituo kilichogundulika
pasua na kujua watoto hao baada ya kumaliza hayo mafunzo wanayowapa wanapelekwa
wapi na je wanapata vyeti au laa.
Alisema
jeshi la polisi linatoa wito kwa wananchi kutoa taarifa haraka endapo watabaini
uwepo wa shule ambazo zinatoa masomo ya kidini bila utaratibu wowote na ambavyo havijasajiliwa.
Katika
tukio la watoto 18 waliokuwa wamefungiwa ndani eneo la Pasua
mkoani hapa,Jeshi la Polisi limeeleza kuwa tayari watoto hao wamekwishachukuliwa na wazazi wao huku wakiacha maswali juu ya kuachishwa kwao masomo na kuwepo katika kituo hicho kinachodaiwa kufundisha masomo ya dini.
Kamanda Kamwela alisema kuwa idadi kubwa ya watoto hao umri wao unaonesha kuwa wangetakiwa kuwepo shuleni ambao wengi ni elimu ya msingi, lakini walikuwa kwenye kituo hicho bila kuwepo kwa taarifa za kuacha masomo au uhamisho.
Hata hivyo katika kuwahoji baadhi ya wazazi waliojitokeza kuwachukua watoto wao walikuwa na majibu tofauti,ikiwemo kuwa wamewapeleka kupewa elimu,huku wengine wakiwa wamepelekwa bila ridhaa ya wazazi.
“Licha ya kwamba wazazi wamekwishajitokeza kuwachukua watoto hao bado tunaendelea na uchunguzi, kujua walikuwaje wakawepo kwenye kituo hicho ambacho kinafudisha dini pekee,na pia walikuwa wakiishi katika mazingira magumu”Alisema Kamwela.
mkoani hapa,Jeshi la Polisi limeeleza kuwa tayari watoto hao wamekwishachukuliwa na wazazi wao huku wakiacha maswali juu ya kuachishwa kwao masomo na kuwepo katika kituo hicho kinachodaiwa kufundisha masomo ya dini.
Kamanda Kamwela alisema kuwa idadi kubwa ya watoto hao umri wao unaonesha kuwa wangetakiwa kuwepo shuleni ambao wengi ni elimu ya msingi, lakini walikuwa kwenye kituo hicho bila kuwepo kwa taarifa za kuacha masomo au uhamisho.
Hata hivyo katika kuwahoji baadhi ya wazazi waliojitokeza kuwachukua watoto wao walikuwa na majibu tofauti,ikiwemo kuwa wamewapeleka kupewa elimu,huku wengine wakiwa wamepelekwa bila ridhaa ya wazazi.
“Licha ya kwamba wazazi wamekwishajitokeza kuwachukua watoto hao bado tunaendelea na uchunguzi, kujua walikuwaje wakawepo kwenye kituo hicho ambacho kinafudisha dini pekee,na pia walikuwa wakiishi katika mazingira magumu”Alisema Kamwela.
Mwisho.
Habari Zingine
Mjulishe Mwenzako
0 MAOINI :