By
danielmjema.blogspot.com
Huyo kwenye picha hapo juu ni Luka Modrick, mchezaji hodari katika kikosi cha Real Madrid. Ngoja nikusimulie kisa chake kidogo. Mwaka 1992 akiwa na miaka 7, aliishi kama mkimbizi katika kambi moja katika jiji la Zadar, Croatia. Na hii ni kwa sababu ya vita iliyokuwa nchini kwao.
Akiishi maisha magumu katika kambi hiyo, Modrick alianza kujifunza soka. Kutokana na ukata wa familia, Modrick alishindwakujiunga na kikosi cha vijana cha klabu ya NK Zadar kwa kukosa ‘shin gard’. Ikamlazimu achonge vimbao na kuvivaa huku akivificha kwa soksi ndefu ili apate nafasi ya kucheza.
Akacheza kwa juhudi huku akipewa moyo na wakimbizi wenzake. Kutokana na mwili wake kudhoofu sana, klabu ya Hadjuk ilighairi kumchukua kwa madai kuwa hataweza soka la ushindani.
Mordick hakukata tama, akaendelea na soka na mnano mwaka 2001 akiwa na miaka 16, akapata nafasi ya kujiunga na klabu ya Dinamo Zagreb, waliomsainisha mkataba wa miaka 10 ili wapate nafasi ya kumlea na kuendeleza kipaji chake.
Leo hii Modrick anacheza Real Madrid, analipwa pauni 120,000 kwa wiki. Ni miongoni mwa viungo bora duniani. Mwenyewe anasema vita ndio iliyompa ujasiri wa kujaribu kila kitu bila kukata tamaa.
0 MAOINI :